datuak parapatiah nan sabatang pai kabalai
tibo di balai inya mambali lamang
koq hiduik lah dibiaso an lalai
kama pai badan kan taraso ramang
Balaia sampan ka lautan
Sarato jalo pukek harimau
Curaian adat nan dipapakan
Banamo adat minang kabau
Tambilang dibaliak lansek
Tasisiak di lambai-lambai
Dibilang sado nan dapek
Nan tingga untuak nan pandai
Tibo dilansek mandailiang
Suruikkan bana ka jalan data
Kok ibo jo adat katagiliang
Turuikkan putaran roda
Tasandek tapak manurun
Takikih kaki dek mandaki
Adat jo syarak kok tasusun
Bumi sanang padi manjadi
Dari awa sampai akhia
Gawa jo khilaf sifat kito
Nak jan binaso papan dek ukia
Barilah ma'af badan ambo.
tarapuang apuang biduak di lauik
tampak nan dari puruih salatan
hiduik sapantun limau hanyuik
dima baranti sinan bamalam
janiah aianyo ngarai sianok
tampek lalunyo urang koto tuo
lah lamo kito indk basarobok
didunia maya sj kito basuo.
Jalan mandata ingek tataruang,
Jalan manurun ta antak-antak,
Jalan mandaki sasak angok,
Jalan malereang kok tagalincia.
Nan tuo dihormati,
Nan ketek dikasihi,
Samo gadang baok bakawan,
Ibu-bapo labiah sakali Guru dihargoi.
Manyuak di ilia-ilia,
Bakato di bawah-bawah,
Dimano rantiang ...dipatah,
Sinan sumua dikali,
Dimano sumua dikali,
Sinan aia disauak,
Dimano nagari diuni,
Sinan adat dipakai,
Dimano bumi dipijak,
Di sinan langik dijunjuang,
Lawuik sati rantau batuah.
