Jumat, 18 Juni 2010

" Perantau Minang Pulang Ke Kampung Halaman Nya"

Aslamu'alaikum dunsanak sadonyo........!
Sambia Ma isi Waktu luang kito
Ambo Sabuik Ambo Punyo Carito
"carito jenaka"
Bagala Sutan Mudo
Carito Rang Minang Pulang Ka kampuang nyo
Ambo Batanyo ka Da Epi / sutan Lai nio...
Eh...Sutan Sati Lah Bakandak Pulo..
Bukak lah Carito tu Di facebook RRB
(Rao-Rao Batintin)




"CERITA JENAKA DALAM RUBRIK
DUNIA MAYA"

                            JUDUL:   DOCTOR / DOTOR ANDUS;
Mamak si Jila, Daraman namonyo, lah pulang dari Australia. Sabaleh taun inyo di sinan.
Kini lah manatap di kampuang.
Dek inyo urang dari rantau, inyo disuruah mambuek KTP.
Pailah Daraman ka kantua Desa.
Sampai di kantua, inyo disuruah duduk dek jurutulih.
Duduak ma adok ka jurutulih.
Jurutulih madok ka masin tik.
Sambia mantik jurutulih batanyo ka Daraman.
Bak rupo polisi mananyo urang tatangkok maliang ayam.
“Apak ka mambuek KTP?”
“Iyo.”
“Namo?”
“Darman.”
“Daraman. Gala?”
“Sutan Mudo.”
“Sagaek ko apak bagala sutan mudo?”
“Iyo itu gala nan diagiah mamak ambo dulu.”
“Gala sarjana bagai lai ado?”
“Lai.”
“A tu?”
“Dotor.”
“Dotor? Apak dotor?
Bantuak apak se sarupo urang maidok sakik tujuah taun! Kuruih.
Kapalo colak sunguik bauban.
Bajalan se tadi den caliak indak tagok lai doh.
Tagak apak se alah oyoang.
Kalau indak den suruah duduak tadi,
mungkin alah tatilantang apak di lantai kantua den ko.
Jaan bagarah juo apak jo den.”
“Ambo serius. Ambo iyo dotor.”
“Dotor ko banyak macamnyo pak.
Dotor badah, dotor panyakik dalam, dotor saraf, dotor tulang, dotor baranak.
Apak dotor apo?”
“Dotor bahaso.”
“Dotor bahaso? E yayai!
Maa adoh dotor bahaso.
Kecek apak bahaso ko adoh pulo nan sakik?”
“Iyo. Ambo dotor bahaso.”
“Pak, ko den serius mangecek ka apak.
Dotor bahaso tu namonyo dotorandus.
Kalau nan padusi namonyo dotoranda. Tamat IKIP. Baa apak ko? Paniang?”
“Iyo bana. Ambo dotor.
Indak Picayo Waang... Sambilan tahun ambo jadi dosen di Australia.
Gala dotor ambo ko indak babali bagai doh. Sah. Ado ijazahnyo.”
“Jaan batangka disiko, malu awak. Pak,
kini den kecek an ka apak.
Gala apak sabananyo dotorandus.
Jaan dikicuah pulo den lai.”
Darman maangguak-angguak surang. ,,,,,,,,,,,,,
Jurutulih tu taruih mantik. Drs. Daraman Sutan Mudo,
(nan sabananyo DR. Darman - Sutan. Mudo)

by, Sutan Perpatih.

Maaf Cerita Ini Hanya Pengembangan Bahasa Dari Pengalaman Seorang Pak Tua Yang Sukses merantau Pernah Menjadi Staff Pengajar di luar Negeri (Australia), Dan Lalu mengabdi Lagi di Indonesia ( UI )
Di Usia senja Beliau lalu Pulang Ke Kampung Halaman Nya,...
Sebelum nya Saya Mohon Maaf, Saya Tidak Ada Maksud menyudutkan/ Memojokkan Orang Minang Yang Bagala "Sutan Mudo"...Namun Memaparkan kisah yang terjadi, supaya dapat kita Ambil Iktibar/ pelajaran dengan hikmah Supaya kita Tidak merendahkan Orang Lain dengan Kondisi Apapun.

Semoga Bermanfaat,
Wasalam,ww